Cipt. Drs. Soalaon Simatupang
Lirik :
Songon sillam manoro di Balian
Sai songon porhas manintak di alaman
Songgot ni rohangki dibahen ho
Dipanadingkonmi di au inang ni gellenghu
Hutompuk andorangku dainang
Ai aha do da mula ni singkap mabarbar
Marpulutaon hita naung marbagas
Tung hata Sangkababa pe so hea marsipadohan
Parsonduk bolonhu boru ni da tulang
Na huhalongi
Dohot do damang i
Nang Songon i dainang i
Manodo ho parumaenna
Hape lao do ho borhat so maralatan i
Tulus ni rohami mahohom do ho lao so panagaman hi
Sude do dainang hami manjorat ho
Marhite tangiang mardongan ubat pe
Alai nunga tung i sangkap ni Tuhan
Manjou ho ru tu lambungna i
Tingkos ni goar na pinillitmi
Di pahompunta da panggoaran i
Marsaorma hita raphon Tuhan i
Laos baenonhu namai pasabam rohangki
Parsonduk bolonhu boru ni da tulang
Na huhalongi
Dohot do damang i
Nang Songon i dainang i
Manodo ho parumaenna
Hape lao do ho borhat so maralatan i
Tulus ni rohami mahohom do ho lao so panagaman hi
Sude do dainang hami manjorat ho
Marhite tangiang mardongan ubat pe
Alai nunga tung i sangkap ni Tuhan
Manjou ho ru tu lambungna i
Sonangma ho inang di lambung ni Tuhan i
Sai manghurasi manian inang sahalami
Sonangma ho inang di lambung ni Tuhan i
Sai manghurasi manian inang sahalami